Det er dokumentert at energibruken i dag har og vil få store konsekvensar for klima og miljø. Klima- og energipolitikk er såleis viktigare enn nokon gong.
Noreg deltek i forpliktande internasjonalt samarbeid for å redusere utslepp av klimagassar, og skal dette bli realitetar må det få følgjer for oss alle - offentlig verksemd, næringslivet, og private hushaldningar.

 

Med bakgrunn i dette vedtok Regionrådet for Nord-Gudbrandsdal 22.6.2007 å ta initiativ til utarbeiding av ein regional plan for klima og miljø.

Administrasjonssjefane i kommunane og regionsjefen er styringsgruppe for arbeidet. Det er sett ned ei prosjektgruppe der energiselskapa A/S Eidefoss og Skjåk Energi deltek, saman med representantar frå alle kommunane. Regionkontoret v/ Ole Tvete Muriteigen har prosjektleiaransvar.

 

Målet med planarbeidet er å utarbeide ein konkret regional plan for klimaforbetrande og energireduserande tiltaka med fokus på:
- Energi og energibruk i regionen, med utgangspunkt i energiselskapa sine energiutgreiingar for kommunane
- Miljø- og klimakonsekvensar med utgangspunkt i energibruken i regionen
- Tiltak som kan gje miljø- og klimagevinst

 

Kommunane skal sjølve ta ansvar for å utarbeide kommunale handlingsplanar for klima og energi med utgangspunkt i den regionale planen.